Société d’art et d’Histoire du Mentonnais

TOULOUSA, I éran 30 000 per à lenga d’oc !

mercredi 4 avril 2012 par Jean-Louis CASERIO

De mondou, y n’era pien ou 31 de mars per ou passa-carriera en favoù da recounoushença de l’ouccitan e da soua cultura. I eran 30 000 ; mai qu’à Carcassouna 1 (15 000) en 2005, mai qu’à Besièrs (20 000) en 2007, mai qu’à Carcassouna 2 (25 000) en 2009. En mai d’aquò, per ou primou còu, Bascou, Catalan, Breton, Còrsou, Alsacian,... avian fach d’aquesta jornàia una jornàia per e soue revendicacioù culturale tamben.

Una delegacian de Mentounasque menàia da Jean Pierre Pericaud, u amigue de Sota-Orme de Gouarbe et tout u amigue dou Pais nissart e de l’IEO avian rejougne a manifestacian partìa à 2 oure e mieja da piaça de Euròpa, lueg mai que simbolic per nautre qu’aregretema qu’a França aigue pancara ratificà a Carta Europenca de Lengue Regiounale e Minouritaire.

A couha dau courtège es arribàia à 6 oure dau vèspre piaça dau Capitòli, en crient « Anema oc ! Per a lenga ouccitana ! Anema oc ! Per a lenga d’oc ! ». A seràia s’es acabàia dam’un councèrt dou Corou da Plana, Nadau e u se amigue.
Sema stache urouse d’aquesta capitada margrà un countèstou economic gaire favourable. Arremerciema tout’ u sochi e amigue qu’an fach ou despiaçament ; aquelu que san vengù en carre, en vatura o per avian.
Ren es acabà, tout es encara da fa e se farà se rou vourema tout enseme.
Tirerema tout u ensegnamente d’aquesta jornàia u 12 e 13 de majou à Niça, à l’AG de l’IEO-Federale.

Photo : Jean-Pierre PERICAUD


Accueil | | | | Statistiques du site | Visiteurs : 1023 / 130115

Suivre la vie du site fr  Suivre la vie du site Aux Rendez-Vous de la SAHM (avant 2017)   ?

Site réalisé avec SPIP 3.0.16 + AHUNTSIC

Creative Commons License

Visiteurs connectés : 0