Société d’art et d’Histoire du Mentonnais
Una Revirada mentounasca ...

A caserna Gardanne de Rocabruna

vendredi 15 septembre 2017 par Mauri OSICKI - AMPOLINI

A CASERNA GARDANNE DE ROCABRUNA
Pran de sourdati san passà ent’ou relarg de Carnourés. Coura Mentan e Rocabruna Cab Marten an voutà a soua reünian dam’a França, Napoulean ou ters a proumetù de fa bastì un pouart, de fà venì ou tren e de cantounà una garnisan. A vila de Mentan n’avìa ou terren pèr i mete una caserna. Aishì, couma pèr r’usina à gaz, ese Carnourés qu’erita en 1888 dou 27ème Batalhan Arpen de « Chasseurs à pied » prouvenent de Tunisìa. Ou quartié Gardanne, tant counoushù ent’ou païs, naishe aloura.
A guerra dou quatorze arriba e ou 5 dou mese d’aoust de 1914 aquelou 27ème B.A.C.P laisha Rocabruna pèr n’anà-se n’en à pe à Nissa pèr pilhà ou tren ! Farà en Moselle ra famousa « Batalha de Frountiere ». Ent’aquelou temp, a caserna Gardanne rechéu pèr envernà e troupe vengùe dou Maroc e tamben da « Foarça Negra » dam’u tiralhoù senegalese (envern 1916/1917) pùhi ru tiralhoù de Madagascar (envern 1917/1918).
Apress a Prima Guerra moundiale, en 1924, ou 27ème B.C.A. ese rempiaçà da ou 25ème B.C.A. Ent’ou mese de San Jouan de r’an 1939 s’en va en Lourrena e un an apress ese coumpletament aneantì en Picardie.
A « Ligna Maginot » tra Castilhan e a pouncha dou Cab Marten, para d’una oufensiva da r’Itàlia de Mussolini. Ou 96ème Batalhan Arpen de Fourtaressa ven ent’ou quartié Gardanne pèr defende Rocabruna e tamben Moùnigou.
Ou primou dou mese d’abrì de r’an 1951, ou 22ème B.C.A. retorna à Nissa e pausa ou sen groupament ent’ou quartié Gardanne fint’en 1955 per n’anà-se n’en au Maroc aquest ann.
En 1962, trovema ent’a caserna Gardanne e s’a Couala d’Argé ra Basa aérianna 943 qu’aministrava dame ru radar a defesa en ària.
En 1990, aquela B. A. 943 pilha ou noume Capitani Auber pèr óunourà ou Capitani Jean-Marie Auber qu’a laishà ra soua vita dam’ou sen avian, un « chasseur P-47 », dou coustà de Tenda, aloura qu’era atacà da un PC aleman.
Ou 24 dou mese de jougn de r’an 2010 ou Courounelou Jean-Paul Mochin, coumandant da basa fà ra darrìa « prise d’armes ». A ceremònia ouficiale de dissoulucian da BA 943 e ra restitucian da bandiéra à ra « 23ème Escadre de Bombardement » se desfroupa ou 16 dou mese de Madarena de r’an 2012, metent aishì un tèrmine à ra Caserna Gardanne.
REVIRADA MAURI OSICKI-AMPOLINI


Accueil | | | | Statistiques du site | Visiteurs : 33 / 142983

Suivre la vie du site fr  Suivre la vie du site Le Coin du Mentounasc de Nice-Matin en 2017  Suivre la vie du site N° 389 - Le « Coin du Mentounasc » du 9 septembre (...)   ?

Site réalisé avec SPIP 3.0.16 + AHUNTSIC

Creative Commons License

Visiteurs connectés : 1