Société d’art et d’Histoire du Mentonnais

Pouesìe e Cansoù

Ou pescahoù de cana
mardi 15 mai 2007 par eleves

(extrait de François BORFIGA, félibre mentonnais, 1877-1957, SAHM, 1993)

Toute countent dam’a sa cana s’e spale
E ou sen cavagn’ au brass
Ou pescahoù afrounta u roumpe-couale
Per s’en anà pescà au loubass.
Se n’es un loubass pouhe esse ‘na serpa
Un sergou ou un biàian
Pichan ou gross noun cria mai alerga
Friche ou bulhì è sempre ban

Refren :

Gardeè-rou, ou sen capè ent’u uèie
Ou pescahoù, sus’a spiàgia ou su scuèie,
Souven, descauss, countent dou sen desten
Fiss s’un bauss, survèia ou boulanten.

S’es arrestà, ven de trovà ‘na piaça
Prepara vitou un belou ourmeje
En asperent couma ou temp passa
D’un tant en tant, jeta ou bourmeje
Ese prount, o que fiera mina
Drech a sa cana en man
Noun chapa ren, pesca un ban mà de squina,
Es ou fruche de ‘na passian.

Noun chapa ren, noun perde paciença,
Pensa a r’ourmeje e spesse
I mete un autre, cambìa fint’a lença
Ma semèia fach aspress
Ese deranjà per de freme ben pintàie
Que vouaran n’espiegacian :
Oh, me nouhiè, avè assai de pitagne
Sensa a ma lecian !

Ou venre maten coura parte per a pesca
A soua frema i di : « Berna »
Se per pescà hal besougna de tant d’esca
Segù qu’aurema un ban diernà.
Se mete à ri e di : sempre hal poushù vè-ri
Que t’hai sempre repourtà
Siegue de tounne ou de sardine à r’ueri,
Sal ben qu’ou peish n’ha mai mancà !

François BORFIGA


Accueil | | | | Statistiques du site | Visiteurs : 495 / 137279

Suivre la vie du site fr  Suivre la vie du site La revue « Ou Païs Mentounasc » de la SAHM  Suivre la vie du site N°119 septembre 2006   ?

Site réalisé avec SPIP 3.0.16 + AHUNTSIC

Creative Commons License

Visiteurs connectés : 0